حكي نازل و ما لو طالع .... مازن كم الماز

عم حاول أفهم شو عم يصير , و الأهم شو رح بيصير بكره , يعني بعد اللي صار ما بعرف شو عاد ممكن يصير ..

القضية ليس فيها ألغاز بس ما بتنحكى غير بالألغاز و إلا فهمكم كفاية , كلمة ما بدي يمكن تكون أحسن من كلمة ما بدي , لكن كلمة بدي احكي خطيرة جدا جدا و لا داعي للشرح , يعني حتى بيني و بين حالي متردد قول اللي بدي قوله , القضية إنو ما عاد بدي آكل مثل غيري و لا اشرب مثل غيري , صدقنا إنو هيك , يعني هيك , بس ممكن افهم كيف ممكن عيش بعد اليوم , يعني احكي و لا اسكت , صفق و لا امشي و أعمل حالي ما لي شايف , خايف اغلط و لاقي حالي رايح مع اللي عم يروحوا و ما عم يرجعوا ..

 يعني شو عاد فيه أكثر من هيك , هذا بيتي و أنا وهبت للحكومة بس ممكن حدا يقلي خلصت هون , يعني بدي عيش مو فارقة معي وين , حدا يقلي , شو و كيف عيش , معليش ليش عيش هي خلوها علي أنا , هي على القليلة بس , أنا , و أعوذ بالله من كلمة أنا , بسمع الكلمة و طول عمري عم بسمع الكلمة , بس هلق ما عدت فهمت شو اللي لازم اسمعه , يعني عصابة و لا شوية فلسطينية أوباش و لا مدري شو , و شو هي مصر و بو عزيزي , أنا ما دخلني بهذا الحكي كله , حدا يقلي وين بنام بس , بس يعني نام و فيق مو نان و سامحونا , انتو عم تسموني , حدا عم يسمعني , أنا عم بحكي لو سمحتو , اللي عنده صلاحية يجاوب يعطيني الجواب و يخلصني , تعبت و أنا واقف على رجل واحدة هون , و بعدين ما بعرف ممكن مو مسموح وقف هون , ممكن لازم وقف هونيك , يعني أكلناها .. و لا شو ؟ لا حدا يضرب ...