أدخل كلمات البحث واضغط على إدخال.

لا مكان في حمص لفرقة موسيقية تتقاضى أكثر من 5 آلاف

مروان المرعي :" كتر خيرنا عم نعطيكن هيك انتو لازم تدفعوا مشان تطلعوا حفلة وتنشهروا هذه دوحة الميماس وهذه فرقة رقص من اللاذقية لا تقبض ولا فرنك "


لا احد يدفع سوى لموسيقا الأقدام و صراخ الحاصودي

بهذه العناوين المشجعة للفن والموسيقا استقبلت بوادر مهرجان حمص

السيد المحافظ : 5000 ألاف ليرة هل تغطي اوركسترا من 30 عازف ؟؟؟
هل أعطي لكل عازف 160 ليرة .... دون أن يأكل ويشرب أو يتنقل

لم استغرب كثيرا... عندما بحثت عن ساعة حائط في مبنى البلدية في حمص وفي مكتب السيد مروان المرعي أمين سر مهرجان حمص فلم أجد لأني علمت بعد موعدين خلف بهما الأخير أن الجماعة لا يتواعدون على الساعة بل عالقدرة :
يعني يتعاملون بمبدأ
( اذا فضيت بجي ...... وانشالله بجي ...... وبس اتخلص تعا لعندي ) ؟؟؟؟؟؟؟
قال لنا بعد خمس دقائق أكون بالمكتب لكنه جاء بعد ساعة وربع حصل اللقاء(التاريخي ) بيننا وبينه نحن فرقة ذكريات قلنا له لدينا تعميم من السيد محافظ حمص للتعاون معنا لبحث إمكانية إدراج حفلة لنا في مهرجان حمص
جاءت التفاصيل سريعة واتفقنا على الموعد والمكان وعندما تطرقنا إلى الجانب المادي قال لنا لا يوجد اجر للفرق الموسيقية قلنا له ليس أجرا بل تكاليف قال يوجد مكافأة قلنا تمام كم يعني قال 5000 ألاف ليرة سورية
لم نصدق حاولنا أن نستوعب الأمر مكافأة لكل عازف يعني أستاذ
قال لا للفرقة كلها 5000 ليرة سورية
ثم تابع قال بالحرف الواحد : " كتر خيرنا عم نعطيكن هيك انتو لازم تدفعوا مشان تطلعوا حفلة وتنشهروا هذه دوحة الميماس وهذه فرقة رقص من اللاذقية لا تقبض ولا فرنك "
قلنا له ماذا ستفعل الـ 5الاف ... ؟؟

أنها لا تكفي فاتورة موبايل للتنسيق من اجل مواعيد البروفات
ولو أردنا أن نعزف مجانا ونطلب من العازفين أن يأتوا من دمشق (حيث يدرسون) ويعودون على أقدامهم فقط لو أردنا أن عزمهم فقط على وجبة واحدة لأن ال 5 ألاف لا تكفي ثمن وجبة ل 10 أشخاص
طبعا الأمر ليس بحاجة لنقاش ..

وربما مهرجان حمص كاملا من بابه لمحرابه لا يكلف 100 ألف وربما السيد أمين السر ليس له علاقة كما كرر لنا أكثر من 5 مرات
انه هناك جهة راعية لا تدفع أكثر من 5 ألاف لكل فرقة ؟؟؟
لكن نحن نسأل لماذا هناك فرق تأتي من دمشق ولا احد يعرف عن برامجها ومستواها شيئا لكن فقط لأنها آتية من دمشق تأخذ ما تريد ؟؟؟؟!!!!!
وكيف يريد المسؤولون في حمص للموسيقا أن تتطور ونستفيد من العازفين والمغننين الحماصنة ب 5 ألاف فقط
لماذا تقولون ان حمص مدينة المثقفين وعند الدفع لا احد يرى وجوهكم ...
في كل بلدان العالم الدولة ترعى الفرق الوطنية وفرق المعاهد ونحن فرقة معهد من عازفين ومغنين حماصنة نريد أن نمثل مديتنا وفي الخارج ...
وإذا أردنا تعزيز ثقافة الموسيقا الرخيصة والضجيج الفارغ فلنترك كل موهبة عزف شابة وكل محاولة وإجهاض كل محاولة لإنشاء اوركسترا خاصة بحمص
فلندع الضوء والفلوس والدعم والرعاية كلها لثقافة الحاصودي والغناء الجسدي أو للفرق الآتية من دمشق متمثلة بأسماء عازفين لم تترك آلاتها من ثلاثين سنة أو لمطربات الجسد فقط
أما حمص فتبقى بالاسم مدينة المثقفين والمبدعين بالاسم فقط لأن هؤلاء المبدعين لن يستمروا ب 5الاف أو ب 160 ليرة للحفلة الواحدة










همام كدر - زمان الوصل

عامر الساعاتي

2007-08-12

انا وقت اللي قريت الخبر تخيلت ان هلق 30 عازف رح يعلقوا وينشحوه نشح للمرعي ما بتتصوروا انو حاجتو عطوه الكرسي وبعتوه ع البيت وجيبولنا شباب بدل هالعالم الانتيكه.


ليلى

2007-08-12

والله العظيم انا بعرف هدول فرقة ذكريات عازفين ومغنيين مبدعين والاهم انهم اغلبهم من حمص وهني من جميع الطوائف بس واللله مسخرة انو يعطوهم بس 5 الاف اي شو بدها تعمل بالفعل يا استاذ همام الدولة بدها تشجع ثقافة وفيق وعلي الديك.


فادي سفور

2007-08-12

ما شاطرين الا بالحكي وقت يلي بجد الجد كل واحد من المزعومين بيركضو وبقول انا ما دخلني 5000 ليرة ؟؟ يمكن اذا سالتو هدول اشقد بدك لتصرفون بيضحك عليك وبقلك هدول ابني ما بيرضى يحطون بجيبتوو ليوم اي لكا هنن اكتر من 5000 يمكن بس بدك تقول 5000 بجيب و5000 بالجيب التاني و 5000 توزيع للفقراء والمساكين سيدي نص العالم بتحكي والنص التاني بيسمع بس قولتك الحكي بعلم ؟ اذا سالتو منلك هالسيارة ومنلك هالبيت ومنلك منلك ؟؟ انا رح جاوب عنو وقلو هدول كلون من كفاية ال 5000 لانو متلها متايل بس دق المي وهي مي.


سعيد الشيخ

2007-08-12

كلمة ان شاء الله تكتب هكذا ( اذا فضيت بجي ...... وانشالله بجي ...... وبس اتخلص تعا لعندي ) ؟؟؟؟؟؟؟.


رفيق

2007-08-12

أي حميد ربك الي ما شلحوكون مصرياتكون أنتو المثقفين لازم تبنو ثقافة بلدكم من لحم كتافكون ومن دم قلبكون لازم تحفروا بالصخر والمسا تتطلعوا تعزفوا لازم تلينوا أناملكم بصب الباطون الصبح والمسا تطبلوا على التنكي.


رامي

2007-08-12

صباح الخير ، ماشاء الله ما شاء الله ، لقد عم الخير حمص وضواحيها ، عازفيها ومطبليها ، جهالها ومثقفيها، مئة وستون ليرة ثلاث دولارات للعازف ، شباب مين بيطلع معي ع الصومال بلكي هنيك منشبع قشر موز ع القليلة لأنوا البركي بالشباب هون أكلوا الموزي وتقشيرتها.


رهام

2007-08-12

لالي لالي لالي ياعلمنا لالي بالعالي تحت جناحوا أنا بتفيا أنا سوري اه يانيالي هي هاي هي هي هي هاي ......هي هاي هي هي هي هاي.


حنظلة

2007-08-12

فعلا أنتم جماعة لا تستحي ( 5000 ) ومو عاجبكم ولا تملكون مقدمات هيفاء ولا خلفية روبي ولا خدمات دانا وتعترضون على المبلغ ياعيب الشوم عليكم فعلا جماعة ما بستحي ( 5000 ) وإسا إلكم عين تحكوا يا عيب الشوم عليكم شو خليتم للعدا على كل حال أنتم إخترتم المكان الخاطىء لإحياء حفلكم فالإنشاد في المقابر لا يطرب الموتى ولا ييحييهم ، ولإن جادوا عليكم بما جادوا فترحموا موتاهم وقولوا ربنا لك الحمد فما إعتدتنا الحسنة من الأموات ربي سامحني فهذه مجرد شهادة.


زوربا

2007-08-12

( اذا فضيت بجي ...... وانشالله بجي ...... وبس اتخلص تعا لعندي ) ؟؟؟؟؟؟؟ تعا ولاتجي ..واكزب عليا ..الكزبة مش خطّيّّة .. صديقي قرأت هنا نزفا ..يشبه الوطن .. جرح واحد ..بأبعاد مختلفة ..والدم في الحالتين رخيص ...


باسل

2007-08-13

واااااااااااااااااااااو خمسة الاف ليرة سورية لفرقه كاملة ولشو هالتبزير من قبل المرعي يعني سندويشة فلافل بتكفي لان مبين عن المرعي انو خيرو سابق وكمان ما في داعي تستأجر بولمن ابن عمك الفرقه بتيجي بسرفيس على حسابها مشان ما تتكلف كتير مبين يا مرعي انو بالفعل قلبك على مصاري الدولة لذلك ما دفعت اكتر من خمسة الاف بس بربك يا استاذ مرعي اذا بدك تعطي ابنك خمسة الاف يروح فيهم الصبح على المدرسة رح يرضى ؟؟؟.


جريح العصر

2007-08-13

30 عازف بياخذوا 100$ ههههههههه والله حرام ...هو الكلب الامريكي اللي موجود بالجيش بياخذ 1400$ هذا كلب مو 30عازف....اذا نستمر على هذه الحاله فسوف تشنقون الثقافة بأيديكم.


amr

2007-08-13

يعني هي المعركة اما مشان متل ما قلت أخي همام مشان ما يخلو الفرق تتطور بحمص , أو لشي سبب لا يستحق انو ينعمل هيك مشانو ,,, وعلى الارجح مشان السبب الاول وانا وانت وكل شب أو صبية بيعرف بالزوء فهو أكيد لايرضى بأن تكون تجارة الحصودي هي الرائجة في سوق الموسيقا ومشان هيك لازم فرقتنا تشارك ولو بدنا نضطر ندفع , لأنو هدفنا أكبر من انو نعلن اسم الفرق , فهي متل ما التلك معركة , وبعدين متل ما اال الأخ جريح العصر اذا الكلب أجلكن بياخد 1400$ فأكيد ما رح يعطو الفرقة الحمصية أكتر من 100$ بي كول واشرب ريد بول.


عـاصم

2007-08-13

اخوتي القصة مو قصة انو ما بدهم ياهم يطورو انفسهم بس نحنا بحمص ما عنا مكان للتشجيع يعني ماحدن مدور عليك مهما كنت انت ومو بس حمص وسوريا كلها انشا الله تكون عالم ذرة ماحدن بيشتريك بفرنك بسوريا مع انو برا مستحيل يتخلو عن شخص متلك الشغلة شغلة مصلحة يعني وين مصلحتهم بيمشو عليها ولو كان في عندهم ذرة احترام لنفسهم قبل غيرهم كانو ما عطو حائزة هيك لانو عنجد بقللو من قيمتهم واسمهم لما الشخص رح ياخد 160 تقريبا على الاقل 500 للشخص بس لو كان فيها تفكير.


التعليقات (13)

تعليقات حول الموضوع

لإرسال تعليق,الرجاء تعبئة الحقول التالية
*يستخدم لمنع الارسال الآلي