أدخل كلمات البحث واضغط على إدخال.

أي ..... همام كدر

 

 

 

 

مقطع  حي غير متخيل من حديث دار بيني وبين صديقتي ألاء في غزة تتحدث به عن مأساة القصف الإسرائيلي اليومي ،انقله لكم   دون تعديل  ودون أن أقول سوى كلمة واحدة ...

 

 

همام احكيلك عن انواع القصف الإسرائيلي

علشان تبقى تعرف شو شعورنا

اول مرة قصفو الإسرائليي

كانت الدنيا ليل

قطعت الكهربا عن كل غزة

لا تتخيل الرعب ياهمام :

يعني مهما قلك الانسان شجاع بس وقتها ماكان في شي شجاعه

المهم

ابي ماكان بالبيت

وقتها سمعنا صوت الطيارات

هاي الاباتشي

صوتها زن كتير

يعني كل غزة تقريباً

نزلت الناس من بيوتها على الشارع

ونحنا معهم اكيد

لحد ماقصفو .... شي رعب طبعاً

وبعدها صارو يقصفو كتير

هلأ الاباتشي ولا شي ولاشي بالنسبة لل اف 16

هاي نوع تاني

الاباتشي صاروخها بس بخترق حيطة وبحرق البيت

ال اف 16 بتنزل برج بحالو

صوتها شي مو طبيعي

اخ ياهمام

نحنا عم نأسي

طبعاً بقيت فترة كبيرة ال الف 16 تقصف لحد ما منعت دولياً بعد ما موتو عيلة ب17 شخص

 الله يرحمهم جمعياً

اخر شي

كان من شي قبل سنة

كان

يرموها الاسرائلين بس صوت

بس شو همام

يعني نكون نايمين ولا حدا منا يبقى نايم نقوم من الفزع

كانو يرموها بشكل كبير جداً يعني بالساعة تلات مرات

ما بنسمع صوت الطيارة لحتى نعرف انو رح يرموها

بعد ما بيرمو القنبلة بنسمع صوت الطيارة

همام

انت معي

 " أي "

 

ابي كان بمبنى الجامعة بيوم من الأيام

بعد هيك طلع منها مافي 10 متر بينو وبين المبنى

انقصف المبنى كلو ووقع

 

انتهى الحديث واعتذر من صديقتي للنشر

(25)    هل أعجبتك المقالة (22)

رامي

2007-08-25

ألاء همام لا أعرف حقا ما الذي يجدر بي أو بنا قوله لكني حتما لن أنطق سوى بكلمة \"أي\".


الله يعينها

2007-08-24

الله يعينها ويعينها عليك همام فعلا بعد كل استرسالها شو بدو الواحد يحكي حكت هي المفيد وما ظل من الكلام اتلا الفتات وغير المهم بس همام اكيد مو مهم الصحة في كتير امور اهم واذا البلاد بدها دم لحتى تتطهر لا مشكل.


مهند

2007-08-24

مؤلم جدا هذا الوضع نحنا اذا انقطعت الكهرباء شوي منموت الاحتلال هو شر بلية الله يعنكم يا عمي سورية طالما كانت معكم.


روز

2007-08-24

أي ... ياهمام مهما حكينا ومهما شكينا ما في نتيجة لكن دخيلك يارب انت وحدك ادبر الأمور كلها وتحميهن وتحمي شبابهن الأخبار وحدها تتحدث ياهمام الله يساعدهم على همهم منظرهم بيحرق القلب هي اذا في بعد بالعالم قلب.


ابو بشر

2007-08-24

؟؟؟.


آلاء

2007-08-24

همام أنا مو زعلانا لأنو يمكن الناس تشعر ولو بجزء بسيط من الحياة يلي بعيشها كل فلسطيني كل يوم، وأكيد هادا الحكي جزء كتير بسيط من باقي الأحاديث القادمة يا عزيزي..


رامي .ن

2007-08-25

للأسف حقا أننا مهما تخيلنا بأننا ندرك ماهية إحساس أخواننا في فلسطين لكن صدقوني من لم يسمع يوما الأف 16 والأباتشي تمارس ساديتها لن يدرك حتى جزء مما يشعرون به.


نخلة

2007-08-25

هناك ذل واحد يفوق ذل طفل يبكي تحت رعود القصف ، هو ذل أخ له في البعيد يسمع صوته ولا يملك من قوة ضرب الحجر سوى على رأسه.


مواطنة شبه سوريا

2007-08-25

يالطيف عالهاوضوع قلبنا مع فلسطيk مو بس قلبنا كمان روحنا وعقلنا الله يكون معكن.


عمر عبد اللطيف

2007-08-25

كتير حلو همام حلو انك تكون واقعي مصداقية اكتر ، بتشعر انو أدب خالص بدون تصنع . شكرا همام.


aghyad

2007-08-25

حلوي كتير الحوار الي قدمته انت وصديقتك اوالنقل المباشر بالاصح الي نقلته لينا.. صح مهما حكيتو بالتفصيل الامور الي صايره او الاحداث الي صارت صعب الواحد يحس بهل الكلام الا ما يعيشه ووضمن الامور الي عم تصير. بالفعل شكرا الكم وان شاء الله هل الرساله توصل لكل العالم ويحس الشعب العربي بالمعاناه الي عم يعانيها الشعب الفلسطيني و ادول العربية المحتله يعطكن العافيه على المقال.


الاغر

2007-08-25

بهنيك اخي همام على هذة الصديقة والتي هي بطلة لقصه واقعية ولكن السؤال دائما يطرح نفسو وين العرب يسمعو يقراؤ هيك قصة واقعية ما بدي اسمي اسماء لانو حرام نذكر اسماء ناس بلاصل هني مو ناس هم حيوانات بشرية دون قلوب ولا احاسيس بس انا بحب اسمع دائما وابدا اغنية جوليا بطرس وهي تقول وين وين وين وين الملاين .............الشعب العربي وين.


ابو روحي

2007-08-25

انا بشكر همام و صديقته اللي بتعرف بالأسلحة أكتر من جورج بوش الكلب و بقية الأندال والكزابين وبتعرف صوتها ومدة قوتها و سرعة الطيران بليز همام لا بقى تحكيلنا هيدا الكلام لانو عن جد انا انتزع كل نهاري وشكرا.


محمد حسن

2007-08-26

aaa.


محمد حسن

2007-08-26

هذا كلام وحده بس...معاناة الشعب الفلسطيني ما تنوصف ...الله يكون في عونهم...ويفرج عنهم كربهم...


التعليقات (15)

تعليقات حول الموضوع

لإرسال تعليق,الرجاء تعبئة الحقول التالية
*يستخدم لمنع الارسال الآلي