الطفلة "أم عبدو الحلبية" ترفض المصالحة مع النظام والمساومة على دم الشهداء

وضعت طفلة حلبية أدت دور "أم عبدو الحلبية" في المسلسل الشهير شروطها الخاصة للمصالحة مع النظام.

وقالت الطفلة، التي لم تتجاوز العاشرة من عمرها بكل ثقة وباللهجة الحلبية الأصيلة موجهة كلامها لرأس النظام السوري، "شوف خاي نحنا شعبنا شبعان، عينو مو جوعانة، بدو أكل وشرب ومصاري بنعطيه بنطمروخليه ياخذ كل شي". وأضافت:"سرقوا هالشعب هوي وأبوه من قبلو".

وتابعت الطفلة بثقة:"بس يطلعوا الشهداء من قبورهم ويصالحوه هداك الوقت بنرضى نصالحوا وبس يرجعوا المعتقلين لبيوتهم ويسامحوه هداك الوقت بنسامحو".

وأردفت: "بس يرجع لحضن الأمهات ولادهن والولاد لحضن أبهاتهم اللي راحوا بالحرب، هداك الوقت بنصالحو".

وبنبرة مؤثرة أضافت:"بس يبست الأرض من دم الشهداء، وتبخرت وصارت هوى حرية نشمو وقدرنا ننسى عطرو هداك الوقت بنصالحو".

وتوجهت الصغيرة للثوار بلهجة الناصحة: "ولك يا ابني بس قدرت تخون أرضك ودمك يلي عم يغلي وينادي حرية، هداك الوقت صالح وسامح".

ثم تحدثت عن نفسها لتوصل رسالتها بكل وضوح: "أما بالنسبة إلي ماراح أصالح، ماراح أصالح، لو بسوريا كلها ما ضل مطارح، حتى يطلع الشهيد من قبرو وينادي مسامح مسامح هداك الوقت بنقلوا نحنا الخسرانين وأنت الرابح".