أدخل كلمات البحث واضغط على إدخال.

هنقول إيه؟ .. هتاف : محمد عزت الشريف



هنقول للشهيد إيه؟
ـــ
لسّـــه بتملك إرادة
ولسّـه عندك خَيار
مين اللي قال البيــادة ..
هيّ اللي تاخد قرااار !!
..
"يسقط .. يسقط ......"
***
أُمّ الشهيد بتقول للعالم إيه؟
ـــ
وَهَبْنا رُوحنــا .. وِ رُحْنــا
نجيـــــب لمصر الخلاص
رَميت عليها ســــــــلامي
رَدّت عليّ بْرصاااص !!
..
"يسقط .. يسقط ......"
***

الشهيد بيقول للشهيد إيه؟
ـــ
لسّـــه الوطن منهــــان
وأنا وانت في التابوت

إرفس بقه الأكفان 
وارفض معايا الموووت.
..
"يسقط .. يسقط ......"
***
هنقول للمغيَّبين إيه؟
ـــ
أنــــا.. 
جهادي هتـــاف.
وانت.. 
جريمتك سكوت.
ملعون أبو اللي يخــاف
يهتف بعزم الصوووت 
..
"يسقط .. يسقط ......"
***

(8)    هل أعجبتك المقالة (8)
التعليقات (0)

تعليقات حول الموضوع

لإرسال تعليق,الرجاء تعبئة الحقول التالية
*يستخدم لمنع الارسال الآلي