اصحي يا مصر

اصحي يا مصر
تاني م السكات
لملمي شتاتك
اجمعي فحضنك
كل الولاد
امسحى دمع
شعبك و هاتي
حق اللي مات
جيكا فدا ترابك
بعمره معاه
دانيال و
الشيخ عماد
أصرحي بعلو
صوتك أرفضي
دستور مواده
من سواد
اتكتب علي
أيد عجايز
للخراب باعو البلاد
افضحي كل
اللي خانك
واللي تاجر
باسم دينك
و عرضوا شرفك
في المزاد
أثبتي ما تتهددي
من كلام إرهابي
فاجر يقتل
شبابك و من
غباءه يقول جهاد
اقسمي ما
هتتقسمي
يحرسك رب العباد
اهتفي لا في يوم
هكون زي كابول
ولا هرضي أكون
إسلام أباد
اكتبي في صفحات
تاريخك بـ المداد
مهما حاولوا
يسرقوكٍ
هيحمي دربك
ثوار شداد
حبك جمع
قلبهم و التحدي
زادهم عناد
بنن عينهم
يصونوا أرضك
و من الآله
نشدوا السداد
اصبري يا أم الدنيا
و اجعلي الصبر زاد
ابشري بحديث
نبينا عن رباطنا
و الإتحاد
راح ترجع
بكره بسمتك
و بين أهلك
يصفي الوداد
و الفرح يملأ دنيتك
ده كل شئ
يا غالية بـ ميعاد