تصريح تظاهره... محمد عمار نحاس

بعد التزام النظام بإيقاف إطلاق النار وسحب المظاهر الامنيه بسوريا اتاح النظام بحرية التظاهر السلمي لكن لا بد ان يحصل المتظاهرين على تصريح تظاهر كما سن القانون وفي ما يلي سناريوا واضح للحصول على تصريح الأمني للتظاهر السلمي
تصريح مظاهره
بعد ان قامت الدوله بقيادتها الحكيمه على رفع قانون الطوارئ وأتاحت للشعب العربي السوري ممارسة حياته السياسيه بكل حريه وأصبح للمواطن السوري حق التعبير عن رأيه وبات الشعب يعبر عن أرائه ومشاعره دونما ان يخشى اقبية ودهاليز الفروع الامنيه .
احب احد المواطنين المعارضين ان يقيم مظاهره مناهضه للنظام ولأن حكومتنا الرشيده وضعت قانون للتظاهر اتجه هذا المواطن الى مقر وزارة الداخليه للحصول على ترخيص اقامة تظاهره واستقبله هناك مدير مكتب السيد الوزير ببشاشة وجه وترحيب عارم وبعد ان طلب المواطن ترخيص التظاهره قام مدير مكتب وزير الداخليه من خلف مكتبه وحيا المواطن الشريف على موقفه واعطاه ورقة احاله فيها الى فرع أمن الدوله : وبكل ثقه بالنفس ذهب الموطن لذات الفرع وقام بمقابلة رئيس الفرع الضابط (ع م) وجرى الحوار التالي :
ع م - تفضل شو بتئمور يا حبيبي يا مواطن
المواطن : والله يا سيدي الضابط بدنا نعمل مظاهره ضد النظام
ع م – أي يا اهلا وسهلا ومرحبا وك انت بتئمر أمر وأيمتان بدكم تعملوها
المواطن : والله عم نفكر نعملها يوم الجمعه بعد صلاة الجمعه
ع م – وشو الشعارات الي رح تقولوها يا قلبي يا مواطن
المواطن : يعني شي عشر شعارات عن الحريه وكم شعار عن اسقاط النظام
ع م – وكتبتوا الشعارات على اللافتات ولا لسى
المواطن : والله لسى سيدي بدنا نشوف خطاط
ع م – وك تكرم عينك هلق في بالتوقيف اربع خمس خطاطين موجودين موقفين منخليهن يكتبولك الشعارات واشتريتوا القماش تاع اللافتات ولا لسى
المواطن : لسى سيدي الضابط هلئ بروح بشتريهن
ع م – قيريد وك وين بدك تروح هلق بالتوقيف في كم بياع قماش مندسين منخليهون يجيبولك قماش وك مبسوط يا مواطن ياحبيبي
المواطن : والله مبسوط سيدي ما في احلى من هيك
ع م – ودبرتوا السيارات الي رح توصلوا فيها لمقر انطلاق مظاهرتكن
المواطن : يعني معنا كم سياره
ع م – وك لعين ربك هلق بفرزلك كم سياره من الفرع لتوصلكن ماشي
المواطن : ربي يخليلي ياك يا سيدي الضابط يعني فضلت على راسي
ع م – أي بس هلق في الي عندك كم طلب ممكن ولا افي امكاني
المواطن : انته بتئمر سيدي
ع م – في عنا بالفرع شي متين تلاميت عنصر مخابرات معارضين للنظام وحابين يطلاعوا معكم بالمظاهرا ممكن ولا افي امكاني
المواطن : اكيد ممكن سيدي نحنا كلنا فدا الوطن
ع م – أي والوقت تاع المظاهرا بدنا نعدلوا شوي مشان مانزعج اخواتك المواطنين بالوطن ورح نخلي بعد صلاة الفجر ماشي
المواطن : ماشي
ع م – والمكان يعني مشان مايصير ازدحام عليكم والمندسين يقعدوا يضربوا النار عليكم رح نخليه عنا هون بالفرع ورح نخلي صواتكم وانتوا ما تقولوا الشعارات توصل للسما ماشي
المواطن : ماشي سيدي
ع م – والشعارات بدنا نحددها مشان أبدنا يصير فوضى يعني شعار الحري خلي شعار واحد ومنقول في الله وسريا وبشار وبس وشعارات اسقاط النظام رح نقول فيها بالروح بالدم نفديك يا بشار شو رأيك ياموطن حلو ولا في عندك اعتراض يا قلبي يا مواطن
المواطن : لا لا لا سيدي متل ما بتحب .
ع م – هلق بتروح مع اخواتك عناصر المخابرات والأمن الي ضد النظام بتجيبوا كل المساهمين بالمظاهره وبترجعوا لهون مشان نبلش شعارات ماشي .
وذهب الموطن للقيام بالمظاهره بفرع أمن الدوله وبعد ثلاثون عام عاد من الفرع لا يستطيع الكلام لان صوته مبحوح من كثرة الانفعال بالشعارات والولوله و لا يستطيع ان يرى بعينيه لانه بعد أن رأى نور بالحريه بالمعتقل لم يشأ ان يرى شيئاً بعدها ولا يستطيع المشي على قدميه من فرحته بالنصر المبين وهكذا عاش المواطنين بعد رفع حالة الطورائ وايقاف اطلاق النار بكل حريه وكرامه لا يدوس عليهم احد بنعاله ولا يمتطي ظهورهم احد عزتهم فوق الجبين كالنسر المقتول ........؟