أســــئلة بتخجــــل ... م. أنطوني دانيال

- بتسأل وزير الاتصالات .. ليش موقعنا محجوب ؟

بيقلك ...أي موقع ...ما بعرف.... شو إلي علاقة .

- بتسأل الحكومة ليش عم تقطع برزقة جماعة حقوق الانسان وتمنعهم من السفر ؟

بيقولو ---كل واحد بدوره هلي قبض اول مرة لا زم يترك الدور لغيره .

-بتسأل أهل حمص ليش جانين هالجنة ؟

بيقولو لأنه المحافظ حول أيام الأسبوع كله الى أربعاء .

- بتسأل البلديات ليش الحفر بالشتي.

بيقولو --- مشان تغذية الآبار الارتوازية.

- بتسأل ... ليش عم يقولوا لهذا الآذن أستاذ؟؟؟؟

بيقلك لسا ما وصلتلو شهادة الدكوتوراة من لبنان .

- بتسأل قائد الشرطة وبتقلوا .... وين ممرات المشاة ؟

بيقلك.. أي مشاة ... ليش لسا حدا عم يمشي .

- بتسأل قائد الشرطة وبتقلوا ... ليش واقف شرطي قرب كل اشارة ضوئية ؟

بيقلك.. مشان تتعلم الاشارة من الشرطي... وتمشي السير صح .

- بتسأل ... ليش هذا الفرع المخابراتي بفزع اكتر من غيرو؟؟؟

بيقلك .....حسب نمرة صباط المعلم .

- ليش الحكومة السورية بقيانة لهلق ... ما تغيرت؟؟؟؟

ما لقوا اكتر منها بتفلس الشعب .

- ليش باصات الدولة عم تنش مي مطر ؟؟؟؟

لان المدير ما برطل الغيوم ...فا . فضحتو....

- ليش الطرقات فيها جور كتير ؟؟؟

لأنو عنا جرابيع كتير ..

- ليش بيقولوا للفلاح .. فلاح إفرنجي ...؟

لأنو صار بيفلح بالسوق الحرة ....

-       ليش البطاطا سعرها غالي ؟؟؟؟

لأنو ما بقي شي يأكلوا الشعب....

-بتسأل.... ليش فاتورتي الخليوي 5000 ؟؟

عم تسأل ... العما يضربك ضرب .. أي ما عم تحكي بالخليوي...

-       ليش موظف الدولة الصغير عم يرتشي... ليمشي الشغل ؟؟؟؟

بيخاف اذا وصل الموضوع للكبير ...ما عاد بيستفيد شي... وبتروح عليه الحلاوة

-       شو رأيك بغنية... بحبك يا حمار ؟؟؟

رائعة ...لانو ما بقي شي نحبو بهالحارة .