بلاها هالثورة ... يامن حسين

الصبح في واحد بيضل لاطيلك عالباب او عالتلفون ..بينقلك اخبار وبيدعمها بمليون حلفان عن العصابات المسلحة ووووو..كل هاد لتبطل تتنيح وتبطل مع الثورة وانت تيس مابتقتنع معو... وهو اتيس منك كل يوم الصبح بيعجقك بالاخبار واذا صارت شي مجزرة بحق الجيش يالطيف شو بيكون مرغش ومبسوط انو هلق انت رح تقلب وبيتفاجئ بأنك تنح ومع الثورة
...
جارتكم ماغيرها :
بتعمل متة الصبح وبتبلش تحكيلك عن المتظاهرين وقديش تسعيرتهم كل يوم فكرها انها تحاول تخليك تبعد عن المظاهرات , بتقوم انت وجكر فيها بتقلها عنجد عم يقبضوهم ؟!!! لكن لروح شاركلي بشي مظاهرتين تلاتة..
...
جاركم المتقاعد :
هو حدا بيفهم بالذرة والنووي وخبير استراتيجي والذي منو وربي يسر بس يجي عالبيت لعندكم بتلمع عيونو وبيقلك فتحلنا عالسورية بدهم يعرضو مجزرة ومسلحين وكائنات فضائية وموساد اسرائيلي ..بتقوم بتحطلو انت عالسورية وبتتصفن بعلاء الدين الايوبي وانت تيس وغالباً  برجك الجدي متلي تماما
بتقوم بتقلو عمو طيب شو مشان العصابة المسلحة اللابسة مدني او مموه وعم تقتل المتظاهرين ولا هدول مابينحكى فيهن؟؟؟
....
جاركم الخضرجي الفهيم :
بينط من طيز الضو وبيقلك سمعت شو قال العرعور.؟؟ قال بدو خمسة من الطايفة الفلانية مقتولين و10 من الطايفة العلانية مشويين وتنين سلطة وواحد متبل .. بتقلو انك ماسمعت العرعور ولابتسمعو ومعلوماتك عن هالحديث انو مو صاير وبترد عليه انو طيب علي الشعيبي على أفهم يعني؟؟؟...